Kombëtarja shqiptare U-14 fitoi me rezultatin 2-0 përballë Maqedonisë së Veriut U-14 në takimin miqësor të luajtur në aneksin e stadiumit “Skënderbeu” në Korçë. Për kuqezinjtë realizuan Rei Muca dhe Brajan Hykollari.
Trajneri Francesco Vitobello e nisi sfidën me këtë 11-she titullare: Dijon Haxhosaj (GK), Gabriel Haka, Alessio Paloka, Ergi Syziu (C), Uvejs Kadriu, Gerald Qirjazi, Patrik Shurdhaqi, Deon Fehimi, Rei Muca, Enis Repaj dhe Albin Sulejmani.
Të lidhura
None found
Avantazhi i Shqipërisë U-14 erdhi në minutën e 37-të, kur Rei Muca shënoi golin e parë të ndeshjes, duke i çuar kuqezinjtë në epërsi në fundin e pjesës së parë.
Edhe në pjesën e dytë, skuadra shqiptare ruajti ritmin dhe organizimin në fushë. Në minutën e 63-të ishte Brajan Hykollari ai që dyfishoi shifrat, duke vulosur suksesin 2-0 të Kombëtares U-14.
Dy sfidat miqësore ndaj Maqedonisë së Veriut shërbyen si një mundësi e mirë për stafin teknik, i cili pati rastin të vëzhgonte nga afër lojtarët e rinj dhe të ndiqte ecurinë e tyre në arenën ndërkombëtare.
