Kur janë ata? Cilat ekipe janë të përfshira? Kur janë ndeshjet? Ketu do te mesoni gjithçka që duhet të dini për shortet e çerekfinaleve, gjysmëfinaleve dhe finaleve të Ligës së Kampionëve për edicionin 2023/24.
Mbrëmë (e mërkurë) u mësuan edhe emrat e dy skuadrave të fundit që siguruan çerekfinalen e Ligës së Kampionëve, duke përfunduar në tetë më të mirat e Evropës, shkruan Telegrafi.
Atletico Madridi dhe Borussia Dortmundi iu bashkuan klubeve tjera si Manchester City, Real Madridi, Barcelona, Arsenali, Paris Saint-Germain dhe Bayern Munichut.
Por, kur do të hidhet shorti dhe çfarë duhet të dini?
Shorti
Shorti i çerekfinaleve, gjysmëfinaleve dhe finaleve të Ligë së Kampionëve 2023/24 do të hidhet nesër (e premte), më 15 mars 2024, në orën 12:00, në Nyon të Zvcriës.
A mund të luajnë skuadrat nga i njëjti vend me njëra-tjetrën në çerekfinale të Ligës së Kampionëve?
Po, është një short i hapur, kështu që klubet nga e njëjta federatë mund të përballen me njëra-tjetrën dhe me skuadrat me të cilat ishin përballur më parë në fazën e grupeve.
Si funksionon shorti i çerekfinaleve të Ligës së Kampionëve?
Tetë topa që përmbajnë emrat e çerekfinalistëve vendosen në një tas të madh qendror dhe përzihen. Skuadra e parë e tërhequr e luan ndeshjen e parë në shtëpi, kundër skuadrës së dytë të tërhequr. Procedura përsëritet me topat e mbetur në tas për të përfunduar katër çiftet çerekfinale.
Si funksionon shorti i gjysmëfinaleve të Ligës së Kampionëve?
Për shortin e gjysmëfinaleve, katër topa që përmbajnë copëza letre të shënuara “Fituesit e çerekfinales 1” deri “Fituesit e çerekfinales 4” vendosen në një tas të madh qendror dhe përzihen.
Topi i parë dhe i dytë i tërhequr përcaktojnë çiftin e parë të gjysmëfinale, me topin e parë të tërhequr që përfaqëson ekipin vendas për ndeshjen e parë. Procedura përsëritet me topat e mbetur në tas për të përfunduar çiftet gjysmëfinale.
Pse hidhet shorti për finalen e Ligën e Kampionëve?
Shorti për finalen e Ligës së Kampionëve hidhet për të përcaktuar në finale skuadrën ‘vendase’ për arsye administrative.
Kur zhvillohen ndeshjet çerekfinale dhe gjysmëfinale?
Ndeshjet e para çerekfinale: 9/10 prill 2024
Ndeshjet e dyta çerekfinale: 16/17 prill 2024
Ndeshjet e para gjysmëfinale: 30 prill/ 1 maj 2024
Ndeshjet e dyta gjysmëfinale: 7/8 maj 2024
