Edy Reja, foli për mikrofonat e “Radio Marte”. Trajneri i Shqipërisë analizoi situatën aktuale të Serie A.
“Pas Avellino-Napoli isha shumë i zhgënjyer, kisha dëgjuar për situata të tjera që më kishin bindur se Napoli nuk mund të kthehej në majë dhe unë isha i dëshpëruar. Por, për fat të mirë qëndrova. E njoha Napolin më shumë, gjeta miqësi dhe u ndjeva shkëlqyeshëm”.
Pastaj, hapësirë për kujtimet evropiane: “Mbaj mend përvojën time të parë në Evropë, fitoren me Panionios. Për më tepër, Kupa UEFA në atë vit u fitua nga Benfica. Në atë moment ne ende nuk kishim përvojën e duhur, por luanim mirë. Kisha kërkuar 22 lojtarë, sepse nëse nuk keni një skuadër adekuate… Jo të gjithë mund të bëjnë paraqitje të shkëlqyeshme”.
Më pas Reja i rikthehet aktualitetit të lumtur të drejtuesve të Napolit: “Unë nuk humb asnjë ndeshje të Napolit pa e parë, lojtarët janë në top-formë fizike sa vrapojnë si të çmendur. Shoh një ekip, në krahasim me vitet e tjera, shumë më konkret. Titulli? Jemi në fillim, por me sa po shohim, Napoli është më i miri. Pastaj vijnë të tjerët. Atalanta është pak e vonuar, Juventusi edhe më shumë vonë”.
Lidhur me shqetësimet në lidhje me Kupën Afrikane: “Napoli duhet të përfitojë nga situata dhe momenti, pastaj disa lojtarë do t’i humbasë për Kupën Afrikane. Djemtë që kisha unë te Napoli nuk ishin lojtarë të mëdhenj, por kishin zemër shumë të madhe.
Tani, ndoshta ka lojtarë të nivelit të lartë. Lojtari më i fortë që kam stërvitur? Unë stërvita Pirlon, Klose, i cili nuk kishte imagjinatë të madhe, por kishte nuhatje të jashtëzakonshme në zonë. Sigurisht edhe Hamsik ishte gjithashtu një nga më të fortët. Raporti me De Laurentiis? Jemi shumë të afërt. A isha pranë kthimit te Napoli? Kishte mundësi, por jo pas Ancelotti”.
