Kur bëhet fjalë për të bërë histori në futboll, Real Madridi nuk mungon kurrë në apel. Por këtë herë nuk bëhet fjalë për qëllime sportive. Siç u njoftua me krenari, Reali bëhet klubi i parë që arrin dhe tejkalon një miliardë euro të ardhura në një sezon.
“Të ardhurat për sezonin 2023-24, duke përjashtuar transferimet e lojtarëve, arrijnë në 1,073 miliardë euro, 27% më shumë se një vit më parë”, bën të ditur klubi i Florentino Perezit nëpërmjet njoftimit zyrtar për shtyp.
Duke shtuar: “Real Madrid ka një fitim prej 16 milionë euro në vitin financiar 2023-24. Klubi mban një pozicion të fortë financiar me një vlerë neto prej 574 milionë euro”.
