Humbja ndaj Paris Saint-Germain dhe eliminimi nga Champions League ka bërë që Barcelona të mendojë për të ardhmen e disa lojtarëve.
Mes tyre është edhe Ronald Araujo, i cili ishte një nga ‘fajtorët’ e humbjes së katalanasve, pasi u ndëshkua me karton të kuq.
Sipas Football Espana, mbrojtësi nga Uruguaji është një nga ata që me shumë mundësi do të shitet në merkaton e ardhshme verore, me Barcelonën që kërkon të rregullojë bilancet ekonomike.
Ndryshe nga disa muaj më parë, Araujo nuk cilësohet më i pashitshëm nga Barcelona, me spanjollët që i kanë vendosur edhe çmim.
100 milionë euro kërkon Barça për ta lënë të lirë 25-vjeçarin.
Shumë ekipe si Bayern Munich, PSG dhe Manchester United kanë interes për shërbimet e mbrojtësit, por Barcelona do t’i dëgjojë këto oferta vetëm nëse arrihet shuma e kërkuar.
🚨 Ronald Araújo is no longer untouchable at Barça. The club will listen to offers for him. The board is convinced that they will be able to obtain an offer of even more than €100m. The club believes that with Pau Cubarsí they can afford to sell the Uruguayan, which will help… pic.twitter.com/tRgpRxj9AA
— barcacentre (@barcacentre) April 21, 2024
