Prishtina vazhdoi serinë pozitive në kampionat, duke mposhtur në shtëpi Feronikelin ’74 me rezultatin 3-0.
Të lidhura
None found
Edhe pse përballja ishte e ekuilibruar, skuadra “bardhëkaltër” arriti të marrë një fitore të rëndësishme.
Rezultati u zhbllokua në minutën e 33-të, kur Diatta realizoi një eurogol spektakolar me goditje gërshërë.
Prishtina e dyfishoi avantazhin në minutën e 61-të. Pas harkimit të Krasniqit, Arijanit Fazlija e dërgoi topin në rrjetë.
Feronikeli ’74 pati disa raste për të shënuar, por ekipi nga Drenasi nuk arriti t’i konkretizonte mundësitë e krijuara.
Golin e fundit të takimit e shënoi sërish Diatta në minutën e 90+2-të, pas asistimit të Rin Ahmetit, duke vendosur rezultatin përfundimtar 3-0.
Pas pesë xhirove, Prishtina kryeson e vetme me 15 pikë, ndërsa Nikli ’74 renditet në pozitën e parafundit me tre pikë.
