45 minutat e para të përballjes mes Inter D’Escaldes dhe Dritës janë mbyllur me rezultatin 0-0. Takimi luhet për ndeshjen e kthimit të play-offit të Ligës së Konferencës.
Të lidhura
None found
Ekipi nga Gjilani u përqendrua kryesisht te detyrat mbrojtëse, duke i mbyllur hapësirat dhe duke mos i dhënë kundërshtarit mundësi të rrezikojë portën e mbrojtur nga Maloku.
Pavarësisht se Drita zbriti në fushë me dy sulmues, gjilanasit nuk arritën të prodhonin një rast të pastër për gol gjatë kësaj pjese.
Fraksioni i parë pati edhe përplasje mes lojtarëve dhe ndërhyrje të forta. Për këto episode, kartonë të verdhë morën David Lopez i Inter D’Escaldes dhe Albert Dabiqaj i Dritës.
Pas përfundimit të pjesës së parë, rezultati vijon të jetë 0-0. Drita synon kualifikimin, pas barazimit 2-2 në takimin e parë të zhvilluar në stadiumin “Fadil Vokrri”.
