Sulmuesi kryesor i Realit, Karim Benzema në konferencën për shtyp para ndeshjes me Atalantan, ka paralajmëruar skuadrën bergameze si edhe ka folur për një rikthim të mundshëm të Ronaldos në “Bernabeu”.
Benzema thotë se është shëruar plotësisht dhe që duhet të kenë kujdes nga Atalanta, skuadër që shënon shumë gola.
“Jam në formë, ndihem mirë dhe kam besim te forma ime. Jam shëruar mirë”.
“Duhet të vazhdojë në këtë mënyrë që t’i ndihmoj skuadrës. Nuk e nënvlerësojmë askënd. Nuk ka skuadër të vogël në Ligën e Kampionëve”.
“Atalanta është skuadër e mirë. Ata shënojnë shumë gola. Jemi në Ligën e Kampionëve dhe aty ka shumë presion. Respektojmë kundërshtarët, por jemi në dijeni që jemi skuadër e fortë”, deklaroi fillimisht ai.
Tutje, Benzema u deklaruar edhe lidhur me rikthimin e mundshëm te Cristiano Ronaldos.
“Nuk mund të flas për lojtarët që nuk janë pjesë e skuadrës. Ronaldo është duke luajtur për Juventusin dhe shënuar shumë gola. Ata do vendosin në të ardhmen e tij”, përfundoi ai.
Ndeshja mes Realit dhe Atalantas zhvillohet në “Alfredo di Stefano” dhe nis në ora 21:00. /albeu.com/
