Lionel Messi ende nuk ka rënë dakord për kushtet me Barcelonën mbi një kontratë të re – me marrëveshjen e tij aktuale që skadon javën e ardhshme.
Sipas gazetës katalunase Sport, Messi ende nuk ka arritur një marrëveshje për të rinovuar kontratën e tij me Barcelonën, sipas burimeve pranë lojtarit.
Të martën në mbrëmje, raportet u shfaqën duke sugjeruar se Messi i kishte thënë presidentit Joan Laporta ‘po’ për ofertën e tij të rinovimit të kontratës.
Por, kampi i lojtarit siguron se për momentin nuk ka asnjë marrëveshje dhe asnjë vendim përfundimtar për ofertën e Barçës drejtuar argjentinasit.
Në këtë kuptim, ata shpjegojnë se ka ende çështje për t’u përcaktuar dhe se ato duhet të pasqyrohen në një ofertë zyrtare kur të gjitha palët janë në marrëveshje.
Prandaj, asgjë nuk është mbyllur ende në lidhje me të ardhmen e Messit në Barça.
Klubi, nga ana e tyre, nuk ka plane për të komentuar ndonjë raport derisa gjithçka të bëhet zyrtare.
