Partizani dhe Teuta luajnë nesër në orën 17:00 te stadiumi “Arena e Demave”. Orges Shehi do ketë dhe debutimin e tij në një ndeshje zyrtare, ndërsa e para për vitin 2024 pritet nga tifozët e kuq në shtëpinë e tyre.
Për këtë grupimi “Ultras Guerrils” ka shpërndarë një postim në rrjetet sociale. Ata ftojnë tifozët që të bashkohen masivisht në mbështetje të Partizanit. Kujtojmë se kampionët në fuqi fituan vjet titullin kampion dhe Superkupën, ndërsa arritën deri në fazën “play-off” të Conference League.
Postimi i “Ultras Guerrils”:
“Nesër ora 17:00, Partizani – Teuta. Ndeshja e parë e vitit e cila i paraprin shumë të tjerave në kërkim të përsëritjes dhe tejkalimit të sukseseve të vitit të shkuar. Ftojmë të gjithë tifozët e kuq të bashkohen fuqishëm dhe masivisht organizimeve dhe së bashku të krijojmë atmosferën e duhur në mbështetje të ekipit legjendë të futbollit shqiptar. Ecim”, shkruan grupimi Ultras Guerrils.
