Presidenti i Barcelonës, Joan Laporta, ka deklaruar se raportet me Real Madridin janë prishur tërësisht, në një kohë kur konflikti për çështjen Negreira vijon të thellohet.
Të lidhura
None found
Laporta ka akuzuar klubin madrilen se është përfshirë në hetim me synimin për ta zvarritur procesin, ndërsa ka kritikuar edhe mënyrën se si po trajtohet kjo çështje.
“Ata ndërhynë në rastin Negreira vetëm për ta zgjatur procesin dhe për t’i justifikuar veprimet e kanalit të tyre dhe veprimet e tyre tashmë të paracaktuara”.
Sipas kreut të klubit katalanas, aktualisht nuk mund të flitet më për një marrëdhënie mes dy skuadrave më të mëdha të futbollit spanjoll.
“Për momentin, marrëdhënia është në zero”, ka deklaruar Laporta.
Përplasja mes Barcelonës dhe Real Madridit është intensifikuar gjatë muajve të fundit. Klubi madrilen vijon të ndjekë çështjen Negreira, ndërsa Barcelona ka nisur hapa ligjorë për deklaratat e presidentit të Real Madridit, Florentino Perez.
Takimi i pajtimit mes dy presidentëve është planifikuar për 25 nëntor.
