Juventus ka luajtur ndeshjen e fundit në shtëpi për sezonin 2021/2022. Ishte gjithashtu i fundit për sulmuesin Paulo Dybala në Torino. Ai u zëvendësua në minutën e 78-të dhe lojtari ka shëtitur nëpër stadium për t’i dhënë lamtumirën tifozëve.
Pas fishkëllimës së fundit, i gjithë ekipi u mblodh për të organizuar një lamtumirë për lojtarin. Nga mbytja e ndjenjave, ai nuk i mbante dot lotët.
Mes atyre që duartrokitën lojtarin ishte edhe e dashura e Paulos, modelja dhe këngëtarja argjentinase Oriana Sabatini.
Pas ndeshjes, Dybala nuk u largua menjëherë nga stadiumi, por ai u ul në shoqërinë e Dushan Vlahovic.
Argjentinasi u transferua te Juve në qershor 2015 nga Palermo për 41 milionë euro. Gjatë kësaj kohe, ai luajti në 292 ndeshje në të gjitha garat, shënoi 115 gola dhe dha 48 asistime.
Gjatë shtatë viteve të tij në Juventus, Dybala fitoi pesë herë kampionatin italian, tre herë Kupën e Italisë dhe një herë Superkupën.
Lojtari largohet nga klubi si lojtar i lirë. Arsenal, Inter, Man United, Manchester City, Tottenham, Newcastle dhe PSG janë në garë për të. /albeu.com/
