Gjatë një interviste të dhënë për Gazzetta dello Sport, ish-lojtari legjendar francez Michel Platini ka pranuar se në fazën e fundit të karrierës së tij profesionale ai mund të kishte përfunduar te Barcelona.
Edhe pse katalanasit ishin të interesuar për nënshkrimin e tij, futbollisti zgjodhi të mbyllte karrierën e tij si lojtar i Juventusit.
“Mjaft thashë në moshën 32-vjeçare. Mund të kisha shkuar te Barcelona, te Olimpiku i Marsejës, por doja të identifikohesha me klubin në të cilin kisha shkruar historinë time. Cristiano Ronaldo ishte Real Madrid, Messi ishte Barcelona. Unë nuk do të kisha shkuar në një klub tjetër. Ndoshta vetëm në Shtetet e Bashkuara ose Kinë”, pranoi ai. /albeu.com/
