Zinedin Zidane padyshim që ka meritat e tij për kalimin e Real Madridit në cerek –finale, pasi arriti të mposhtë Atalantën në dy ndeshje.
“Ishte një lojë e mirë, edhe Atalanta luajti mirë, por mbi të gjitha ishim të mirë në mbrojtje. Sapo ta kemi këtë, ne e dimë se mund të bëjmë disa gjëra të mira me topin”, tha Zidane pas ndeshjes për Skysport Italia.
Francezi tutje u shpreh se skuadra e tij zhvilloi një ndeshje shumë të mirë dhe ndaj edhe u kualifikuan tutje.
“Ky ishte objektivi për ne, që të kualifikohemi. Kishim një paraqitje të mirë në ndeshjen e parë, e dinim që do të ishte shumë e vështirë, ishte vërtet e vështirë, por luajtëm mirë në fund”.
Trajneri u shpreh se ata akoma nuk kanë arritur asgjë dhe është një rrugë e gjatë, si në Ligën e Kampionëve, ashtu edhe në La Liga.
