Liverpool nuk kreu asnjë përforcim në merkaton e verës, kjo edhe prej faktit që Jurgen Klopp ka një kontingjent të pasur lojtarësh në dispozicion.
Gjithsesi, “The Reds” po garojnë në dy fronte: Premier League dhe Champions League, dhe dhuratat nga merkato janë gjithmonë të mirëpritura.
Jurgen Klopp ka nevojë për një sulmues anësor dhe i preferuari i teknikut gjerman është Rodrygo, 20-vjeçari i Real Madrid.
2 gola dhe 3 asiste numëron këtë sezon lojtari brazilian, i cili ka veshur 3 herë fanellën e kombëtares së vendit të tij.
Mediat angleze shkruajnë se “Los Blancos” kërkojnë 80 milionë euro për të lënë të lirë Rodrygo, shumë që Liverpool është gati ta paguajë.
