Lutfi Dalipi vazhdoi serinë e paraqitjeve të mira në Zvicër, duke realizuar golin e pestë në kampionat këtë sezon.
Futbollisti 20-vjeçar shënoi për Vaduzin në disfatën 2-1 ndaj Servettes, në takimin e javës së 11-të të Superligës zvicerane. Goli erdhi në minutën e 77-të, por nuk e ndryshoi rezultatin përfundimtar të ndeshjes së zhvilluar në udhëtim.
Të lidhura
None found
Dalipi e luajti të gjithë ndeshjen, ashtu si edhe bashkëkombësi i tij, Liridon Berisha, i cili gjithashtu u aktivizua për Vaduzin. Portieri Leo Besson, ndërkaq, e ndoqi takimin nga stoli i rezervistëve të Servettes.
Krahas pesë golave në kampionat, sulmuesi kosovar ka regjistruar edhe nëntë asistime këtë sezon, duke dhënë kontribut të rëndësishëm në repartin ofensiv të Vaduzit.
