Newcastle United ka marrë një fitore të madhe në udhëtim te Aston Villa, duke triumfuar në Villa Park me rezultat 3-1.
Fabian Schar me dy gola dhe një autogol nga Moreno i dhanë tre pikët e mëdha ‘Laraskave’ nga ky udhëtim i vështirë.
Megjithatë mesfushori brazilian Bruno Guimaraes mori gjithë vëmendjen në fund të ndeshjes, me një gjest të mrekullueshëm.
Teksa po shkonte në dhomat e zhveshjes, Guimaraes u ndalua nga një tifoze që ishte përkujdesur për t’i bërë një dhuratë të bukur brazilianit.
Tifozja e Newcastle United i dhuroi brazilianit dy pako me çokollata dhe në këmbim mori fanellën e brazilianit.
Pa hezitim fare, Guimaraes shkëmbeu fanellat me pakot e çokollatave dhe kamera e kapi atë shumë të lumtur.
Gjithsesi gjesti i bukur nga reprezentuesi brazilian është bërë viral në rrjetet sociale, por edhe ai është duartrokitur për gjestin e bërë.
Bruno Guimarães exchanges his shirt for some Kinder Bueno chocolate ?? pic.twitter.com/RmRomtBvrH
— Football on TNT Sports (@footballontnt) January 30, 2024
