Turqi-Itali është një nga takimet miqësore që do luhet me datën 29 mars, në orën 20:45. Newsport.al ka mësuar se arbitër kryesor në këtë ndeshje do jetë Enea Jorgji.
Gjyqtari shqiptar që ka edhe stemën e FIFA vlerësohet kështu maksimalisht, duke iu besuar një 90 minutësh në nivel ndërkombëtar.
Të lidhura
None found
Në këtë sezon futbollistik, Jorgji ka arbitruar në një ndeshje të Conference League dhe 3 “beteja” të Uefa Youth League. Gjithashtu, ai ka vendosur drejtësi edhe në kualifikueset e Conference League (1 herë).
Sfida mes Italisë dhe Turqisë vjen në një moment jo të mirë, pasi të dyja Kombëtaret nuk shkuan më shumë sesa faza e gjysmëfinales së Play Off të Botërorit të Katarit. Testi miqësor mes këtyre dy përfaqësueseve do luhet në Turku Arena.
