Trashësia e borës në Dibër mbi 40 cm, prefekti: Priten ulje temperaturash, zonat pa drita

Trashësia e borës në Kalanë e Dodës, Selishtë dhe Lurë të Dibrës ka kaluar mbi 40 cm. Kjo ka bërë që kalimi në rrugë të bëhet vetëm me zinxhirë ndërsa vështirësi me qarkullimin ka në të gjitha akset rrugore.

Gjithashtu ka nisur erdhe era.Si pasojë e erës së fortë nga Cereni deri në Vasie të Kalasë së Dodës mbushet trupi i rrugës me borë duke vështirësuar punën e borëpastrueseve.

Nëse situata do të vijojë kështu në orët në vijim mund të ketë bllokime të rrugës. Policia apelon përdorimin e gomave dimërore dhe zinxhirëve.

Prefekti i Qarkut Dibër Nexhbedin Shehu teksa ka folur për situatën e krijuar nga bora ditën e sotme ka deklaruar se disa zona janë pa energji elektrike. Një apel ia kishte edhe për shoferët, duke thënë se priten ulje temperaturash që mund të sjellin vështirësi në qarkullim.

“Bora ka filluar në orët e para të mëngjesit ka përfshirë kryesisht Peshkopinë, ekstreme Kalanë e Dodës, Lurën. Në mëngjes kishte intensitet të lartë, por tani ka rënë intensiteti. Nuk kemi rrugë të bllokuara. Trashësia e borës është 5 deri në 30 cm në lartësi në Kala të Dodës Lurë apo Gollobordë. Borë ka më shumë nga Maqellara dhe në Peshkopi. Porosisim drejtuesit e makinave përdorin zinxhirë. Meqë ka lagështi dhe priten ulje temperaturash që mund ta vështirësojë qarkullimin.

Sot në mëngjes është ndërprerë energjia elektrike në Sllovë selishtë dhe në zonën e Martaneshit. Një furtunë kur bie linjat janë të larta dhe jo të mira dhe vazhdimisht kanë pasur probleme. Grupet janë në terren”, tha Shehu.

Nëse do të ketë bllokime Shehu u shpreh se janë marrë masat: “Kemi mjete të kalueshmërisë së lartë.Në Lurë kemi një kanal komunikimi përmes rrëshenit. Shoferët të mos lëvizin pa goma dimërore, do krijoheet akull dhe rrezikohet që të rrëshqasin makinat”./albeu.com

Shtuar 21.01.2022 10:55

Tags: ,