23-vjeçari shqiptar i arrestuar si i dyshuar për vrasjen e 19-vjeçarit grek Aliks javën e kaluar në Selanik, sot ka dalë para prokurorit dhe i ka mohuar akuzat e ngritura ndaj tij. I riu shqiptar pranoi se ishte në vendin e ngjarjes kur ndodhi krimi, por mohoi që të ishte pjesë e grupit që sulmoi 19-vjeçarin i cili u godit me thika dhe mjete të mprehta me pasojë vdekjen.
Sipas avokatit, 23-vjeçari ka bashkëpunuar me drejtësinë duke u treguar hetuesve emrat e personave të përfshirë, duke thënë se janë 10 të tillë. në dëshinë e tij ka shtuar se “ata nuk donin të vrisnin, por vetëm ta frikësonin”, ndërsa shpreh pendesë për ngjarjen tragjike.
Të lidhura
None found
Deri më tani në lidhje me vrasjen janë arrestuar 9 persona. Asnjë prej tyre nuk e ka pranuar fajësinë ndërsa përgjegjës kanë nisur të bëjnë njëri–tjetrin. Sipas medieve greke një tjetër shqiptar 20-vjeçar është shpallur në kërkim nga policia greke si i dyshuar për përfshirje në vrasjen e të riut. Po sipas medieve të huaja, 20-vjeçari është arratisur drejt Shqipërisë.
