Një i vdekur dhe pesë të plagosur rëndë është bilanci i aksidentit tragjik të ndodhur mbrëmjen e sotme në fshatin Belorta të Korçës.
Viktima është Elvis Mizaku, 36 vjeçar nga fshati Rov i bashkisë së Maliqit.
Dy automjete janë përplasur kokë më kokë me njëra-tjetrën.
Siç shihet edhe nga pamjet, përplasja ka qenë aq e fortë sa automjetet janë shkatërruaar, ndërsa njëra prej makinave ka përfunduar në anë të rrugës.
Dyshohet se shkak i ngjarjes së rëndë është bërë një manovër e gabuar nga njëri prej mjeteve të përfshira në aksident.
Të plagosurit e tjerë ndodhen në gjendje të rëndë por jashtë rrezikut për jetën. Dyshohet se mes të lënduarve ka edhe fëmijë.
/albeu.com
