Kim Kardashian ka rrëfyer për herë të parë ndjesitë e saj pas divorcit me Kanye West dhe sfidat me të cilat është përballur. E përlotur gjatë episodit të fundit të “Keeping Up With the Kardashians”, Kim ka thënë se Kanye Westmeriton dikë tjetër.
“Thjesht nuk mundem më. Mendoj që ai meriton dikë që ta mbështesë në çdo hap dhe ta ndjekë në çdo vend ku shkon, në çdo udhëtim dhe në çdo lëvizje të radhës. Unë s’mundem, ndihem e dështuar. Eshtë divorci im i tretë, por as që dua ta mendoj këtë. Dua thjesht të jem e lumtur.”, tha Kim.
Çifti thuhet se kishte qenë në këshillim martese prej vitit 2020.
Ndonëse ylli i reality-showt u përpoq që martesa të funksiononte, sipas saj situata u bë aq e vështirë sa mbajtja e familjes bashkë u bë e pamundur. Ndër të tjera, ajo tha se shkaku kryesor i ndarjes ishte distanca mes tyre dhe largimet e shpeshta të Kanyes.
“Sinqerisht nuk mund të vazhdojë më”, thotë ajo. Sidoqoftë, ajo e quan reperin një “baba të mrekullueshëm” për fëmijët e saj North, Saint, Chicago dhe Psalm.
