Prej pak muajsh Aurela Hoxha po jeton periudhën më të bukur të jetës pasi është bërë nënë për herë të parë. Fillimisht ajo e fshehu lajmin e bukur që qarkulloi në media pak kohë para se vetë Aurela të konfirmonte faktin që ka sjellë në jetë një djalë. Ajo ndau një postim në Instagram me dy foto të sajat me të voglin në krah dhe një foto të dorës së tij, por pa ia zbuluar portretin. Përveç fotove të pakta që ajo ka shpërndarë në rrjetet sociale, detajet rreth të voglit dhe shtatzënisë ende nuk i ka zbuluar.
Madje edhe emrin e tij e zbuluan në një mënyrë shumë të bukur dy miqtë e saj Endrit Mërtiri dhe Dorina Gegiçi. Ata postuan disa foto së bashku duke shkruar “Xhaxhai më cool dhe tezja e Alaron”.
Aurela ka ndarë së fundmi ën InstaStory një foto teksa kujdeset për të birin në rrezet e diellit dhe është me bikini. Edhe pse e ka bërë foton me ngjyra bardhë e zi, sërish hijeshia e modeles duket qartë edhe si mami i Alaron.
