Ledjana e “Përputhen” bën tatuazh të ri, shpërthejnë fansat (FOTO LAJM)

Ledjana Prenga është një nga vajzat më të komentuara nga “Për’puthen” për raportin me Mevlanin, e jo vetëm. Bukuroshja 23 vjeçare është “sulmuar” herë pas herë në rrjete sociale për operacione plastike dhe Photoshop.

Këtë herë ndjekësit e kanë “kryqëzuar” për një tjetër aspekt konkurrenten e programit të dashurisë.

Ledjana ka bërë një tatuazh të ri në parakrah dhe ka ndarë një foto në Instagram. Komentet që mbizotëronin në postim janë “nuk më pëlqen i tepruar”, “skandal”, “me tatuazhin e ke prishur”, “shumë keq të gjithë pamjen ta ka humbur”, “tattoo bëhen me karar e lezet jo kështu si meshkujt” etj.

Pavarësisht kritikave të shumta, vetë Ledjana duket se e ka pëlqyer shumë tatuazhin e saj të ri, ashtu siç edhe është shprehur në postim. Po Mevlani ç’mendim ka për këtë? Mbetet për t’u parë!

Shtuar 27.04.2021 13:28