Rikthimi i Egli Takos në shtëpinë e “Big Brother VIP Albania”, ka ngjallur reagime të shumta, mes tyre edhe nga aktori Jul Deda.
Përmes një postimi në “Instagram”, Deda shprehu hapur zhgënjimin e tij.
Ai deklaroi se fillimisht kishte menduar se Egli po bënte një hap të duhur për veten, por kthimi i saj ia ndryshoi mendjen.
“Kur doli Egli thashë: “Bravo, hera e parë që mendon për veten”.
“Ja paskam futur kot, Egli nuk di të mendojë për veten”, tha ai.
“Rikthimi e vërteton këtë. Si mund të kthehesh me vetëdije në një realitet që të çmend”, – shkroi Deda, duke lënë të kuptohet se ai e sheh këtë rikthim si një vendim të dëmshëm për të.
Ky koment ka nxitur debate të forta mes ndjekësve. Disa e mbështesin Dedën, duke argumentuar se Egli duhet të kishte menduar më shumë për mirëqenien e saj.
Ndërsa të tjerë e shohin rikthimin si një akt guximi dhe përpjekje për të vazhduar rrugëtimin e saj.
Pavarësisht mendimeve të ndryshme, rikthimi i Eglit ka qenë një nga zhvillimet më të diskutuara të spektaklit.
