Albina zhvilloi takimin e radhës jashtë studios së “Për’puthen” me Endin, një nga konkurrentët e rinj, që i është bashkuar programit të dashurisë.
Albina dhe Endi, i njohur ndryshe si Buçi, vendosën të pushonin në një pishinë dimërore. Ata shijuan qëndrimin pranë njëri-tjetrin me rroba banjo.
Buçi rrëfeu për herë të parë historinë e tij të vërtetë familjare dhe se është baba i dy djemve, 16 dhe 5 vjeç.
Ai tregoi se emigrimi ka qenë i vështirë për të. I prekur Endi tregoi se babai i tij ishte mjek në Shqipëri dhe mamaja mësuese, por në Amerikë u detyruan të punonin edhe si pastrues.
Ai rrëfeu se u bë baba në moshën 17 vjeçare dhe e mësoi për shtatzëninë e partneres vetëm kur ajo ishte në muajin e 9. “Motra e saj, i tha babait tim”, tha ai.
Ai e përshkruan si një bekim djalin e tij që e shpëtoi nga vdekja.
Më tej Endi thotë se ka 5 vjet që nuk i ka takuar djemtë e tij dhe se ata jetojnë me nënën e tij në Amerikë, ndërsa mamaja e tyre vazhon jetën e saj.
Buçi: Kështu të pafsha gjithmonë
Albina: Si?
Buçi: Duke buzëqeshur. Nuk të vjen përditë diçka kaq perfekte.
Albina: Çfarë do të më tregosh më shumë për veten?
Buçi: Që kam zemër të madhe
Albina: Atë e pamë, dhe që ke vend për të gjithë
Buçi: Po për ty, dimë shumë pak
Albina: Unë jam një gocë shumë e mirë, jam fëmija e pleqërisë. Jam pak e llastuar. Jetoj me prindërit e mi, që janë pleq sot
Buçi u ndje komfort me Albinën, aq sa për herë të parë, zbuloi sekretin, që la pa fjalë të gjithë.
“Jam baba i dy djemve”, tha ai në takim.
Buçi: Kam dy çuna. Ti e meriton të ta them. I madhi është 16 vjeç. Jam bërë baba 17 vjeç. Ashtu më erdhën gjëra
Albina: Pse, ka metoda për ta hequr
Buçi: Është dhuratë nga Zoti
Buçi: Është 4 e gjysmë, pesë
Buçi: E kam pasur shoqe. Isha i vogël, nuk dija gjë.
Albina: Me të njëjtën shoqe e ke? Nuk mendon të kesh gjë me atë gocën
Buçi: Kanë ndodhur gjërat që në 2011
Në studio, konkurrenti rrëfeu se prej pesë vitesh, nuk i takon fëmijët e tij.
“Djemtë sot rrinë me mamanë time. Kam pesë vite pa i takuar, por flas përditë me ta”, tha ai.
