Glenn Close ka ndarë në rrjetet sociale një çast të veçantë nga jeta e saj në shtëpinë e Montana-s, duke përcjellë një ndjesi qetësie dhe emocioni.
Në videon e publikuar në Instagram, aktorja shfaqet me këmishën që i përkiste nënës së saj të ndjerë, ndërsa qëndron mes pemëve dhe vështron perëndimin e diellit.
Të lidhura
None found
E rrethuar nga natyra, Close duket e relaksuar dhe e lumtur, teksa shijon ajrin e freskët dhe qetësinë e shtëpisë së saj.
“Përshëndetje të gjithëve. Jam në shtëpi, po çlodhem, kam veshur këmishën e mamasë, po lejoj erën të më përshkojë flokët e bardhë dhe po shoh perëndimin e diellit. Ndihem e bekuar. Faleminderit, mirupafshim”, tha ajo në video.
Ky moment i thjeshtë, por emocional, ka prekur ndjekësit e aktores, sidomos për shkak të domethënies që mbart veshja e trashëguar nga nëna e saj e ndjerë.
