Charlize Theron performoi vetë shumicën e skenave të rrezikshme në filmat aksion në të cilët luajti.
Gjegjësisht, në “Atomic Blonde”, Theron-it iu desh të mësonte pothuajse 30 lëvizje radhazi për skenat e zënkës në shkallë dhe t’i realizonte ato në një mënyrë që regjisori David Leitch nuk kishte asnjë kundërshtim.
Aktorja theksoi se ajo nuk ishte gjithmonë e sigurt në aftësitë e saj dhe në vitin 2004, ndërsa xhironte filmin fantastiko-shkencor “Æon Flux”, pati një aksident gjatë një skene në të cilën ishte varur nga telat dhe hidhej në një trampolinë.
“Ishte një aksident i rëndë. Isha disa centimetra larg paralizës së përhershme. E gjithë kjo më zgjoi dhe më bëri të kuptoj se është e rëndësishme të jem plotësisht e përgatitur”, tha Theron.
Për shkak të lëndimit, pësoi dhimbje të forta, ngërçe dhe dëmtime nervore.
E gjithë kjo, shpjegon ajo, nuk e ka penguar, por ka vendosur që të jetë edhe më e përgatitur për të gjitha rolet e ardhshme.
