Pas një paraqitje mbresëlënëse në fitoren e thellë të Amedsporit, talenti kosovar Ermal Krasniqi ka zënë vend në mesin e më të mirëve të xhiros së pestë në elitën e futbollit turk.
Të lidhura
None found
I rreshtuar në një rol aspak tipik për të, atë të mbrojtësit të krahut të djathtë, 28-vjeçari nuk u pengua aspak dhe dhuroi një recital të vërtetë në suksesin 5-0 përballë Istanbul Basaksehir.
Ylli dardan ishte arkitekti i dy golave, duke shërbyer saktësisht sulmuesin Gift Orban për realizimin e tretë dhe të katërt të skuadrës së tij. Vlerësimi me notën 9.0 nga platforma Sofascore konfirmoi nivelin e tij të lartë të lojës dhe i siguroi një vend në formacionin ideal të javës.
Përtej kontributit të Krasniqit, në këtë takim u vu re edhe paraqitja e sigurt e Lumbardh Dellovës, i cili me stabilitetin e tij në fazën mbrojtëse ishte kyç për ta mbajtur portën e Amedsporit të pathyer.
