Nesër, më 2 tetor, në disa akse të zonës qendrore të Shkupit do të zbatohet regjim i veçantë i qarkullimit për shkak të vizitës zyrtare të Ursula von der Leyen, presidente e Komisionit Evropian.
Të lidhura
None found
SPB Shkup njoftoi se Njësia e Sigurisë në Trafikun Rrugor do të ndërhyjë për organizimin dhe devijimin e lëvizjes. Përkohësisht mund të ketë kufizime për automjetet në rrugët ku do të kalojë delegacioni. Ministria e Brendshme u kërkoi qytetarëve të respektojnë udhëzimet e policëve me uniformë.
Shkupi është ndalesa e fundit e turneut të Von der Leyen në Ballkanin Perëndimor, i cili zhvillohet nga 30 shtatori deri më 2 tetor dhe përfshin Shqipërinë, Kosovën, Malin e Zi dhe Maqedoninë e Veriut. Komisioni Evropian bëri të ditur se vizita përqendrohet te hapat e ardhshëm për afrimin e vendeve të rajonit me Bashkimin Evropian dhe integrimin e tyre gradual. Në vëmendje është edhe zbatimi i Planit të Rritjes së BE-së për Ballkanin Perëndimor, me vlerë gjashtë miliardë euro.
Axhenda zyrtare e Komisionit Evropian parashikon që gjatë qëndrimit në Shkup, Von der Leyen të takohet me presidenten Gordana Siljanovska-Davkova dhe kryeministrin Hristijan Mickoski./Telegrafi/
