Në sheshin “Maqedonia” në qendër të Shkupit po mbahet një tubim qytetar në nderim të viktimave të tragjedisë në Koçan. Qindra qytetarë janë mbledhur për të shprehur solidaritetin e tyre me familjet e të prekurve dhe për të kërkuar përgjegjësi për ngjarjen e rëndë.
Një ditë më parë, qytetarët e Koçanit mbajtën një protestë ku hodhën vezë në objektin e Komunës, duke shprehur zemërimin e tyre për mungesën e masave parandaluese dhe trajtimin e situatës.
Nga aksidenti tragjik humbën jetën 59 persona, ndërsa mbi 150 të tjerë u lënduan. Ngjarja ka tronditur opinionin publik dhe ka ngritur pyetje mbi sigurinë dhe përgjegjësinë e institucioneve përkatëse.
