Nënë e 14 fëmijëve rrëfen vështirësinë kryesore të familjes: Si organizohet transporti

Shay Barbee, 44 vjeçe, nga Çikagoja, kujdeset për 14 fëmijë dhe tregon se menaxhimi i lëvizjeve të familjes është problemi më i madh me të cilin përballet çdo ditë.

Së bashku me bashkëshortin, Will, ajo ka në dispozicion pesë automjete. Megjithatë, kur dalin të gjithë, familja zakonisht zgjedh një mjet me 15 ulëse, pasi fëmija më i madh nuk merr pjesë në çdo udhëtim.

“Transporti është sfida kryesore nga pikëpamja logjistike. Në disa raste udhëtojmë të gjithë me një automjet me 15 ulëse, ndërsa në raste të tjera na duhet të përdorim dy makina. Gjithçka e organizojmë dhe e rezervojmë që më parë”, ka deklaruar Shay.

Mbajtja e një familjeje kaq të madhe kërkon edhe shpenzime të konsiderueshme. Çifti harxhon afërsisht 42 mijë e 800 funte në vit vetëm për ushqime, ndërsa për rroba shkojnë rreth 11 mijë funte. Për festat e ditëlindjeve llogariten rreth 400 funte për çdo fëmijë, kurse shpenzimet e Krishtlindjeve arrijnë në rreth 5 mijë e 200 funte, shkruan Daily Star, transmeton Klankosova.tv.

Megjithëse kujdesi për 14 fëmijë shoqërohet me shumë angazhime dhe shpenzime, Shay nuk e përjashton mundësinë që familja të zgjerohet më tej.

“Nuk kemi bërë përpjekje për t’i parandaluar apo për t’i planifikuar fëmijët. Jemi të gatshëm të pranojmë gjithçka që mund të sjellë e ardhmja”, është shprehur ajo.