Zakonisht nuk i kushtojmë shumë vëmendje këmbëve ose shputave tona, pasi i mbajmë të “fshehura” në këpucët tona dhe rrallë gjejmë kohë për të ekzaminuar lëkurën ose thonjtë për të parë nëse ka ndonjë ndryshim shqetësues që kërkon vlerësim mjekësor.
Por për shkak se trupi ynë gjen mënyra të ndryshme për të na paralajmëruar për keqfunksionimet, ka shenja specifike në këmbë, veçanërisht në pjesën e poshtme të kyçit të këmbës dhe poshtë, të cilat janë tipike për problemet e zemrës.
Shihni tre nga tiparet më karakteristike dhe sigurohuni që të mos i injoroni nëse ju bien në sy
1.Rënia e qimeve
Çfarë tregon: Qarkullim i dobët i gjakut
Rënia e qimeve pranë kyçit të këmbës ose gishtërinjve është tregues i rrjedhjes së zvogëluar të gjakut në ekstremitete për shkak të sëmundjes arteriale periferike.
Përveç rënies së qimeve, mund të vëreni edhe një mavijosje të lehtë në gishta ose një shkëlqim të pazakontë në lëkurë.
Simptomat e sëmundjes arteriale periferike janë zakonisht të lehta në fazat e hershme dhe mjeku mund ta diagnostikojë atë me ndihmën e një ekzaminimi klinik ose me rreze X.
2.Vija të vogla të kuqe poshtë thonjve
Çfarë tregojnë: Infeksion në zemër
Vijat e holla të kuqe tregojnë këputje të enëve të vogla të gjakut në ekstremitetet e poshtme. Ato shkaktohen nga mpiksjet e vogla që dëmtojnë kapilarët poshtë thonjve.
Sakaq, personat që i kanë, mbajnë një stimulues kardiak në zemrën e tyre ose kanë një sistem imunitar veçanërisht të dobësuar (p.sh. pacientët me kancer që marrin kimioterapi) janë në rrezik më të madh për endokardit. Nëse nuk trajtohet, endokarditi mund të çojë në dështim të zemrës.
3.Thyerja e thonjve
Çfarë tregon: Sëmundjet e zemrës
Simptoma mund të shfaqet si në thonjtë e këmbëve ashtu edhe në thonjtë e duarve. Përveç sëmundjeve të zemrës, është tregues edhe i mosfunksionimit të mushkërive apo zorrëve.
Në rastin e sëmundjeve të zemrës, është rezultat i rritjes së rezistencës vaskulare dhe rrjedhimisht rritjes së qarkullimit të gjakut në enët e gjakut poshtë thonjve.
Kështu, indet e poshtme fryhen dhe u japin thonjve një formë më të rrumbullakët dhe gjerësi më të madhe.
