Zjarri përfshin pikën e grumbullimit të skrapit në Fllakë, Durrësin e mbulojnë re të dendura tymi

Një pikë grumbullimi skrapi në zonën e Fllakës në Durrës është përfshirë nga flakët gjatë mesditës së kësaj të mërkure.

Si pasojë e zjarrit janë krijuar sasi të mëdha tymi të zi, që kanë mbuluar zonën përreth. Shkaqet e incidentit mbeten ende të paqarta, ndërsa nuk dihet nëse ka persona të lënduar.

Në vendngjarje kanë shkuar shërbimet zjarrfikëse, të cilat po punojnë për vënien nën kontroll dhe shuarjen e zjarrit.