Një ditë më parë, ish-kryeministri Sali Berisha njoftoi se grupi i tij do të hyjë në zgjedhjet e pjesshme vendore që do të zhvillohen më 6 mars në bashkitë Durrës, Dibër, Shkodër, Rrogozhinë, Lushnjë dhe Vorë, në koalicion me Lëvizjen Socialiste për Integrim.
Më vonë u mësua se logoja do të jetë “Shtëpia e Lirisë”, dhe sot u zbardh marrëveshja që kanë firmosur të dyja palët.
Të lidhura
None found
“Ne po bashkohemi, si parti dhe si qytetarë, për t’i sjellë ndryshimin Shqipërisë. Ne bashkohemi që të garantojmë fitoren në zgjedhjet e ardhshme dhe t’i sjellim ndryshim vendit tonë. Të gjithë e dimë që duhet ndryshim. Shqiptarët janë të fortë, Shqipëria është e forte. Ka vetëm një njeri përgjegjës për dështimin e Shqipërisë në 8 vitet e fundit dhe ky është Edi Rama. Ne po ndajmë të njëjtat vlera e parime në veprimtarinë e përgjithshme politike, si edhe në vizionin për qeverisjen e vendit. Dëshirojmë të koordinojme angazhimet dhe kontributin për fitoren e përbashkët politike dhe prandaj vendosëm që: 1. Të formojmë një Koalicion të gjerë opozitar, dhe për të konkurruar së bashku në zgjedhjet e pjesshme për kryetar bashkie në bashkitë Shkodër, Dibër, Durrës, Rrogozhinë, Vorë dhe Lushnjë, të datës 06 Mars 2022. 2. Emri i koalicionit është “Shtëpia e Lirisë” 3. Shkronjat nistore te Koalicionit do të jenë: “SH-L“, thuhet në marrëveshje.
