Një ngjarje e rëndë ka tronditur sërish qytetin e Elbasanit mbrëmjen e sotme.
Bëhet me dije se është qëlluar disa herë në drejtim të shtetasit Madrit Ulqinaku, i cili ka mbetur i vdekur.
Gjithashtu mësohet se ngjarja ka ndodhur pranë stadiumit “Elbasan Arena’.
Policia ka rrethuar zonën për kapjen e autorit dhe po heton për rrethanat e ngjarjes.
Njoftimi i Policisë:
Më datë 17.08.2022, rreth orës 21:50, në lagjen “Kongresi”, Elbasan, gjatë një konflikti për motive të dobëta midis disa të rinjve, dyshohet se shtetasi K.SH, rreth 20 vjeç, ka qëlluar me armë zjarri pistoletë dhe për pasojë ka humbur jetën shtetasi M. U., rreth 25 vjeç, banues në Elbasan.
Shërbimet e Policisë kanë shkuar menjëherë në vendngjarje, së bashku me grupin hetimor.
Është rrethuar zona dhe vijon krehja e saj për të bërë të mundur kapjen e autorit.
Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes./albeu.com/
