Deputeti demokrat, Ervin Salianji, ka reaguar pas ku zëvendës drejtori i policisë së Elbasanit, Albert Nushi u vu në arrest shtëpie nën akuzën se kishte qenë i pranishëm në vendin ku ndodhi vrasja e Pjerin Xhuvanit në Elbasan.
Salianji ka publikuar një audiopërgjim dhe shkruan se nëse ky i fundit do të ishte arrestuar më herët, këto ngjarje nuk do të kishin ndodhur.
Reagimi i Salianjit:
Albert Nushi ish drejtor i policisë Qarku Fier dhe ish zv/drejtor ne Elbasan njihet botërisht për lidhjet me krimin dhe keqpërdorjen që i bën Partia Socialiste si ndërmjetës i krimineleve! Njerez si ai e turpërojnë uniformën e shtetit dhe janë damka më e shëmtuar e saj!
Në përgjimet zyrtare të ish Prokurorisë së Krimeve të rënda, Albert Nushi flet me një të denuar recidivist që u përdor për të mbrojtur ish ministrin e brendshëm Xhafaj. Pas mesit të natës krimineli ordiner telefonon ish drejtorin e Fierit ne ate periudhë dhe e vendos nën urdhera, nën agresion verbal dhe i kërkon lek, drejtori i përulet i premton lek sa herë që telefonohet!
Me pas Nushi gënjen ne deklarimet ne prokurori duke dhenë deklarim të rremë para prokurorit sikur nuk kishte asnjë kontakt apo njohje me dëshmitarin e sajuar Alizoti!
Nesër edhe njehere faktet dhe provat zyrtare të prokurorisë se si përdoret policia e shtetit nga krimi!
Nëse ish drejtori do ishte arrestuar kur ne e dononconim me prova si shërbëtor i fëlliqur i krimit, sot nuk do kishim pasoja të rënda shteti ligjor do ishte në avantazh ndaj llumit të krimit!
Po e ripostoj një prej videove me fjalor +18 biseda në 00:18 pas mesnate mes një drejtori policie dhe një krimineli ordiner, video siç e kemi denoncuar në momentin e inkriminim të tij të plotë, vetëm drejtësia e kapur politikisht nuk mundi të veprojë! Audiopërgjimi është zyrtar nga prokuroria!
