Grupi i Punës për ndryshimet Kushtetuese vazhdon me punë. Pritet finalizimi i Rregullores dhe Metodologjisë për mënyrën e punës në ditët në vijim, njofton KlanM.
VMRO-DPMNE nuk delegoi përfaqësues në këtë grup pune dhe mbetet në qëndrimin e në këtë përbërje parlamentare nuk do të ketë ndryshime kushtetuese.
Nga opozita, sic njofton KlanM, sot kanë komentuar dorëheqjen e Kryeministrit Kovaçevski dhe nëse ka nën kontroll deputetët socialdemokrat për të votuar “pro” ndryshimeve kushtetuese.
“Është e saktë se Kovaçevvski ka dorëzuar dorëheqjen, kurse Talat Xhaferi e ka grisur. Mos ta gënjejnë opinionin, le të tregojë Kovaçevski se si i është grisur dorëheqja dhe si shkoi në SHBA dhe në fund le të thotë para opinionit se cilët janë deputetët e LSDM-së nga Njësia Zgjedhore 1 dhe 2 dhe disa nga Njësia Zgjedhore 4 që kanë thënë se nuk do të votojnë për ndryshimin e kushtetutës” – tha Naum Stoilkovski, zëdhënës i VMRO-DPMNE-së.
Kryetarja e Grupit të Punës, Margarita Caca Nikolovska, sic percjell KlanM, dje sqaroi se nuk ka një afat kur duhet të përgatitet Nisma për ndryshimin e Kushtetutës, por paralajmëroi se pasi të konstatohen parimet do ta intensifikojnë punën.
Për disa javë të ardhshme, Qeveria, pret vërtetimin e tekstit, I cili do të publikohet, do të futet në debat publik dhe do të dorëzohet në Kuvend.
Grupi I punës, sic njofton KlanM, numëron 23 anëtarë. 10 janë ekspertë të së drejtës kushtetuese dhe ish-gjykatës në Gjykatën Kushtetuese, 10 përfaqësues të partive politike dhe nga një përfaqësues nga kabinetet e Presidentit, Ministrisë së Jashtme dhe Sekretariatit për Cështje Evropiane. /KlanMacedonia/
