Shqipëria regjistroi një fitore 0-3 në transfertë ndaj San Marinos, në takimin e vlefshëm për raundin e dytë të fazës së grupeve në Ligën e Kombeve. Për kuqezinjtë shënuan Mehmeti, Uzuni dhe Manaj.
Myrto Uzuni dhe Rey Manaj kishin deklaruar pas triumfit ndaj Bjellorusisë në “Air Albania” se të dy do të gjenin rrugën e rrjetës në ndeshjen e radhës. Parashikimi i tyre u realizua, pasi secili shënoi nga një gol në përballjen me San Marinon.
Të lidhura
None found
Ky moment është rikthyer në vëmendje edhe nga faqja zyrtare e FSHF-së në rrjetet sociale, e cila ka publikuar deklaratën e bërë para ndeshjes dhe golat e realizuar më pas. Ajo që nisi si një “shaka” mes gazetarësh rezultoi e saktë, ndërsa “profecia” e dy sulmuesve u shoqërua edhe me tre pikët e fitores.
