Atentati i ndodhur pak çaste më parë në autostradën Vlorë-Fier, kishte si shënjestër 30 vjeçarin Kristian Marku (Bardhi).
Kristian Maraku i njohur ndryshe si Kristian Bardhi rezulton person me precedent të mëparshëm kriminale i akuzuar për veprën penale “Mbajtja pa leje e armëve të zjarrit dhe municionit luftarak”.
Bëhet fjalë për një ngjarje të regjistruar në shtator të vitit të 2023 teksa 30 vjeçari u ndalua nga policia pas informacioneve se personi i dyshuar qarkullonte me armë.
Marku arriti të hedhë nga xhami i makinës pistoletën e tij të karikuar me fishekë pak çaste para se të ndalohej nga forcat “Shqiponja”. Ai u arrestua nga autoritetet për veprën penale “Mbajtja pa leje dhe prodhimi i armëve,armëve shpërthyese dhe i municionit”ndërsa në vendngjarje u sekuestrua dhe arma që viktima kishte me vete.
Viktima Kristian Marku rezulton të jetë nipi i Martin Bardhit, i vrarë në Rrëshen më 26 shtator të 2023. Martin Bardhi është ekzekutuar me breshëri plumbash pak metra larg komisariatit, pak kohë pasi kishte dalë nga burgu.
Bardhi ishte arrestuar në mars të vitit 2023 së bashku me djalin e tij të akuzuar për “Vrasje të mbetur në tentativë”. Babë e bir, u konfiktuan fillimisht fizikisht me Saimir Reçin ndërsa më pas Enrik Bardhi ka marrë armën dhe ka qëlluar në drejtim Reçit.
Kristian Marku është qëlluar me breshëri plumbash rreth orës 18:15 në afërsi të fshatit Novoselë, në autostradën Fier-Vlorë, teksa po udhëtonte me makinën e tij të tipit “Volkswagen”.
Sipas burimeve për media, autorët kanë qëlluar në drejtim të viktimës me breshëri kallashnikovi për rreth 100 metra. Autorët kanë përdorur një automjet të tipit “Benz”, makinë e cila është gjendur e djegur 1 kilometër larg vendit të krimit, ndërsa më pas vrasësit dyshohet të jenë ndihmuar nga të tjerë persona për tu arratisur.
“Rreth orës 18:15, në afërsi të fshatit Novoselë, në autostradën Fier-Vlorë, është qëlluar me armë zjarri në drejtim të një automjeti tip “”, me drejtues shtetasin K. M., 30 vjeç, i cili ka humbur jetën”, njofton policia.
