Gjykata e Posaçme kundër Korrupsionit dhe Krimit të Organizuar (GJKKO), ka shpallur të pafajshëm Sali Berishën, Edi Palokën, Flamur Nokën dhe Luçiano Boçin të cilët u paditën nga avokatja Valentina Teodoresku për shpifje.
Teodoresku, u caktua avokate kryesisht nga gjykata për çështjen ndaj Berishës në seancën e 26 tetorit 2023, për verifikimin e masës së parë “detyrim paraqitje” dhe “ndalim të daljes jashtë shtetit” ndaj tij.
Të lidhura
None found
Teodoresku, i cilësoi si shpifje deklaratat publike të të kallëzuarve prej saj ku e identifikonin si patronazhiste dhe ish-hetuese të kohës së diktaturës.
“Gjykata vendosi deklarimin e pafajshëm të të akuzuarve Sali Berisha, Flamur Noka, Edi Paloka dhe Luciano Boçi, për kryerjen e veprës penale të “Shpifjes”, e kryer botërisht, parashikuar nga neni 120, paragrafi dytë i K.Penal“, thuhet në vendimin e gjykatës.
Njoftimi i plotë i GJKKO:
1. Viktima akuzuese Valentina Teodoresku me datë 26.06.2025 ka paraqitur pranë Gjykatës kërkesën për gjykimin e çështjes penale me të akuzuar shtetasit: Sali Berisha, Flamur Noka, Edi Paloka, Luciano Boçi, etj., të akuzuar për kryerjen e veprës penale të “Shpifjes”, e kryer botërisht, parashikuar nga neni 120, paragrafi dytë i K.Penal.
2. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarja Flojera Davidhi, me vendimin nr. 41, datë 21.05.2026 vendosi:
1. Deklarimin e pafajshëm të të akuzuarve Sali Berisha, Flamur Noka, Edi Paloka dhe Luciano Boçi, për kryerjen e veprës penale të “Shpifjes”, e kryer botërisht, parashikuar nga neni 120, paragrafi dytë i K.Penal.
2. Shpenzimet gjyqësore mbeten siç janë bërë.
3. Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar, brenda 15 (pesëmbëdhjetë) ditëve, duke filluar ky afat nga e nesërmja e njoftimit të vendimit të arsyetuar.
