Seanca plenare e Kuvendit të Shqipërisë, u mbyll mes tensioneve të forta, pasi deputetët e opozitës kundërshtuan procedurën e ndjekur për shqyrtimin e marrëveshjes së bashkëpunimit me Shtetet e Bashkuara të Amerikës në fushën e mbrojtjes.
Kryetari i Kuvendit, Niko Peleshi, vendosi që projektmarrëveshja të shqyrtohej me procedurë të përshpejtuar, duke njoftuar se seanca do të rifillojë në orën 15:00, pasi dokumenti të diskutohet fillimisht në komisionet parlamentare.
Të lidhura
None found
Vendimi hasi në kundërshtimin e deputetëve të Partisë Demokratike, të cilët bllokuan foltoren e Kuvendit, duke pamundësuar vijimin normal të punimeve.
Për shkak të tensioneve dhe përplasjeve të krijuara në sallë, drejtuesi i seancës vendosi mbylljen e saj.
