Këtë të hënë, një situatë e tensionuar është raportuar në ambientet e Aeroportit të Vlorës, ku sipas informacioneve kanë ndodhur përplasje mes përfaqësuesve të kompanisë MABCO të Behgjet Pacollit, nënkontraktorëve dhe rojeve të sigurisë.
Raportohet se punonjësit e Pacollit janë përplasur me rojet e sigurisë të kompanisë “2A” të Valon Ademit, duke hyrë më pas me forcë brenda kantierit dhe nxorën jashtë punonjësit e tjerë.
Të lidhura
None found
Përmes një deklarate më 21 qershor, Behgjet Pacolli deklaroi se “MABCO” është zotëruese e 98% të kuotave të kapitalit të VIA-s dhe përbën subjektin kryesor mbajtës të të gjitha detyrimeve, përgjegjësive dhe ekspozimeve që lidhen me koncesionin, në aspektin profesional, teknik, referencial dhe financiar. “MABCO” mban ekspozimin financiar kryesor në këtë projekt, në vlerë që tejkalon 310 milionë euro.
Po ashtu, Pacolli paralajmëroi se çdo veprim ose mosveprim që pengon zbatimin e vendimeve të Asamblesë së datës 18.06.2026 do të konsiderohet shkelje e rëndë e detyrimeve ligjore dhe do të sjellë pasoja të plota ligjore, civile dhe penale, për të gjithë personat përgjegjës.
