Shtatë persona në Korenë e Jugut kanë vdekur pasi u bllokuan në një parkim nëntokësor gjatë përmbytjeve të shkaktuara nga tajfuni Hinnamnor.
Ata kishin zbritur për të lëvizur makinat e tyre, por u kapën nga përrenjtë që hynin.
Ekuipazhi tha se shpëtuan dy persona, të cilët thuhet se mbijetuan duke u kapur në tubacionet e tavanit për më shumë se 12 orë.
Tajfuni Hinnamnor, stuhia më e fortë ciklonike e këtij viti deri më tani, goditi Korenë e Jugut në fillim të kësaj jave.
Sipas faqes së lajmeve Yonhap, të nëntë personat ishin banorë të një ndërtese apartamentesh, të cilëve më herët të martën në mëngjes u ishte thënë nga zyra e menaxhimit të lëviznin makinat e tyre nga parkingu.
Lexo edhe: Koreja e Jugut përgatitet për tajfunin e fuqishëm, mbyll shkollat dhe pezullon fluturimet
Të mbijetuarit, një burrë rreth të 30-ave dhe një grua rreth të 50-ave – thuhet se janë në gjendje të qëndrueshme.
Pohang, qyteti ku ndodhi tragjedia, pësoi dëmin më të madh në të gjithë vendin, tha presidenti Yoon Suk-yeol.
Yoon shprehu pikëllimin e tij për mbytjet, duke e quajtur atë një “katastrofë”.
“Në Pohang, banorët hynë për të marrë automjetet e tyre, por pësuan një fatkeqësi të tillë, nuk mund të flija natën si president,” tha ai.
Të paktën 10 persona kanë vdekur gjithsej si pasojë e tajfunit Hinnamnor, i cili përfshiu brigjet jugore dhe lindore të Koresë së Jugut të hënën dhe të martën, duke shkaktuar erëra të forta dhe shi të dendur, shkruan BBC.
Disa qytete të tjera në jug, duke përfshirë Busanin dhe Ulsanin, po përballen gjithashtu me rrënojat e shkaktuara nga stuhia.
Koreja e Jugut, si shumë vende në Azinë Lindore, gjatë muajve të fundit është përballur me shira ekstremë si dhe temperatura rekord.
