Një shpërthim i fuqishëm me bombë ka ndodhur në orët e para të së mërkurës, pak para orës 01:30, në një dyqan këpucësh në qendër të Pireut, në rrugën Filonos.
Autorët kanë vendosur lëndën plasëse në hyrje të dyqanit dhe janë larguar menjëherë.
Nga shpërthimi i bombës nuk pati të lënduar. Policia raportoi se një i pastrehë që qëndronte në një pallat ngjitur nuk u lëndua. Shpërthimi shkaktoi dëme materiale në dy dyqane të cilat ndodhen në një pallat ku ndodhen zyrat e avokatisë dhe kompanitë e transportit detar. Dëme materiale janë shkaktuar edhe në objekte të tjera në një rreze deri në 300 nga vendi ku ishte vendosur lënda shpërthyese.
Në vitin 2020, në të njëjtin dyqan u vendos një mjet ndezës.
Forca të forta policie kanë shkuar në zonë dhe kanë rrethuar vendin e ngjarjes, ndërsa ka marrë pjesë edhe Departamenti i Asgjencës së Mjeteve Shpërthyese.
Policia ka nisur hetimet për identifikimin dhe kapjen e autorëve.
