Është fakt që çokollata është tundimi i ëmbël i dimrit dhe pëlqehet në të gjitha format e saj dhe nga të gjitha moshat.
Megjithatë, nëse nuk dëshironi që të shtojë në peshë pa e kuptuar, duhet të keni kujdes në sasinë që konsumoni. Nëse ushtroheni, gjërat janë më të lehta sepse mund të digjni kaloritë që merrni.
Por sa ushtrime duhen për të djegur një copë çokollatë, konkretisht sa ecje apo vrapim? Pra, sipas Shoqërisë Mbretërore të Shëndetit Publik për të djegur një çokollatë që ka rreth 229 kalori, duhen rreth 42 minuta ecje ose 22 minuta vrapim. Që do të thotë, nëse vendosni të hani çokollata, duhet gjithashtu të ushtroheni shumë shpesh. Por mos harroni se ka efekte të tjera, të tilla si konsumimi i sheqerit dhe dhëmbëve, që nuk korrigjohen nga ushtrimet.
Nga ana tjetër, çokollata e zezë është gjithashtu e dobishme për shtatzëninë. Është mënyra më e shëndetshme për të kënaqur dëshirat tuaja. Ekspertët nga Universiteti Yale theksojnë se ka sëmundje që mund të parandalohen duke ngrënë një sasi normale çokollatë. Në hulumtim janë analizuar zakonet e të ngrënit të 1681 grave dhe është treguar se një substancë e quajtur teobrominë mund të jetë relaksuese për trupin. Ajo ul presionin e gjakut dhe e lejon atë të qarkullojë më mirë.
Si përfundim, si çdo gjë, edhe çokollata duhet të konsumohet me masë. /albeu.com
