Rusia rrit kufirin e moshës për në ushtri

Parlamenti rus ka miratuar një ligj që rrit kufirin e moshës për personat që regjistrohen në ushtri. Tashmë edhe personat 50 vjeç mund të bëhen pjesë e ushtrisë.

Ky vendim pason përpjekjet e vazhdueshme të zyrtarëve rusë për të rekrutuar më shumë ushtarë ndërsa viktimat ruse në Ukrainë rriten.

Sipas legjislacionit aktual, vetëm rusët e moshës 18 deri në 40 vjeç dhe të huajt nga 18 deri në 30 vjeç mund të regjistrohen si ushtarë profesionistë në ushtrinë ruse.

“Duhen specialistë shumë profesionistë për të përdorur armë me precizion të lartë dhe për të operuar armë dhe pajisje ushtarake. Specialistë të tillë mund të jenë të moshës 40 deri në 45 vjeç, thuhet në një shënim që shoqëron projektligjin.

Sipas ligjit të ri, shtetasit rusë dhe të huajt deri në moshën 50 vjeç do të mund të nënshkruajnë një kontratë me ushtrinë.

Në shënim thuhej se amendamenti do të ndihmonte gjithashtu në tërheqjen e atyre në profesione civile për t’u bashkuar me ushtrinë, duke përfshirë mjekë, inxhinierë dhe ekspertë të komunikimit.

Që nga fillimi i luftës në Ukrainë, Ministria ruse e Mbrojtjes dhe e ashtuquajtura kompania ushtarake private Ëagner kanë nisur një fushatë të gjerë dhe të vazhdueshme për të rekrutuar ushtarë të rinj, zyrtarisht dhe jozyrtarisht.

Bazuar në burime, BBC Russian ka identifikuar të paktën 46 rusë të moshës mbi 45 vjeç, të cilët janë vrarë në Ukrainë pas fillimit të pushtimit. Këtu përfshihet një gjeneral në pension 63-vjeçar, i cili u rrëzua duke përdorur një avion luftarak Su-25./albeu.com

Shtuar 25.05.2022 20:24