Presidenti rus Vladimir Putin ka reaguar në lidhje me krizën e re energjitike që ka përfshirë Europën, ku çmimi i gazit pothuajse e ka kaluar dyfishimin.
Përgjegjës për këtë presidenti rus bëri politikën e gabuar të Komisionit Europian, i cili hoqi dorë nga kontratat afatgjate me Rusinë dhe iu drejtua tregtisë së gazit në bursë.
Europa varet nga Rusia e cila furnizon kontinentin me rreth një të tretën e sasisë së përgjithshme të gazit që konsumon.
Por kontinenti i vjetër donte të diversifikonte burimet, pra të gjente burime të tjera në mënyrë që të humbiste varësinë nga Moska për gazin natyror.
“Komisioni Evropian bëri një gabim kur donte të hiqte dorë nga kontratat afatgjata dhe iu drejtua tregtisë së gazit në bursë. Praktika e partnerëve tanë evropianë ka konfirmuar edhe një herë se ata bënë gabime. Ne ende po flisnim me përbërjen e mëparshme të Komisionit Evropian dhe e gjithë politika e tij ishte të hiqte qafe të ashtuquajturat kontrata afatgjata. Ata po përballeshin me kalimin në tregtinë e aksioneve të gazit dhe vërtetuan se sot është absolutisht e qartë se kjo politikë është e gabuar. Si rezultat, çmimi i gazit natyror ka thyer të gjitha rekordet historike: sot po afrohet 2,000 dollarë për mijë metra kub, që është më shumë se dhjetë herë më e lartë se çmimi mesatar i vitit të kaluar ,” tha presidenti rus./albeu.com
