Rrëzohet avioni në Kazakistan, të paktën 4 viktima

Një avion ushtarak është rrëzuar në Kazakistan.
 
Nga ngjarja e rëndë, të pakën katër persona kanë humbur jetën dhe dy të tjerë kanë mbetur të plagosur.
 
Mediat e huaja shkruajnë, se avioni ushtarak An-26 u zhduk nga radarët në orën 17:20 sipas kohës lokale. Sipas raportimeve, avioni që i përkiste Shërbimit Kufitar të Komitetit Kombëtar të Inteligjencës së Kazakistanit, u rrëzua gjatë uljes emergjente.
 
Si pasojë e këtij aksidenti ajror, 4 nga gjashtë personat në avion humbën jetën, ndërsa dy të tjerët, janë dërguar me urgjencë në spital.

Shtuar 13.03.2021 11:03