Vendi ynë sot do të mbizotërohet nga vranësira të shumta të cilat do të sjellin reshje në të gjithë territor.
Sipas Meteoalb, sot temperaturat nuk do të pësojnë ndryshime të mëdha, ku do të variojnë: në zonat malore, nga -2°C në 08°C, në zonat e ulëta nga 06ºC në 15°C dhe në zonat bregdetare nga 09°C në 17°C.
Era do të fryjë në drejtim Verior-Verilindor ndërsa forca e valëzimit në det do të jetë 3 ballë.
Kosova sot do të mbizotërohet nga alternime vranësirash dhe kthjellimesh të cilat do të sjellin mot të qëndrueshëm por priten edhe reshje. Temperaturat do të pësojnë një rënie të lehtë ku do të variojnë: në zonat malore nga -3°C në 08°C dhe në zonat e ulëta nga -2°C në 10°C.
